Nederlands

 

        English

Garantia

 

Kumpra un produkto – Kiko ta bo derechonan?

Si un produkto ta daña durante e periodo di garantia, bo tin e derecho pa e wòrdu drecha of remplasá grátis. Informá e kompania ku e produkto ku a daña (si ta posibel), e bon i e prueba di garantia (en general bo bon ta e prueba di garantia). Lei ta bisa ku bo tin e derecho pa un bon produkto (garantia legal). Esei ta nifiká ku e produkto mester ta manera bo por ferwagt.

 

E produkto ta daña den un periodo di 6 luna despues ku bo a kumpr’é? Lei ta asumí ku e produkto no tabata bon fe momento bo a kumpr’é. A ménos ku e komersiante por proba ku bo a usa e produkto robes.

 

E produkto ta daña mas lihé ku bo por ferwagt? Bo tin e derecho pa e wòrdu drecha of remplasá grátis. E komersiante ta responsabel pa esei. Bo a traha un akuerdo di kumpra kun’e.

Periodo di garantia a kaba?

 

Despues di e periodo di garantia a kaba ainda bo por tin e derecho pa e produkto wòrdu drecha of remplasá grátis. Esei ta konta pa produktonan ku tin un durashon mas largu, komo un wasmashin. Esei ta dependé di e preis, e tipo di produkto i e marka. Bo mester tin prueba ku e produkto no ta bon i ku bo no por a antisipá esei.

 

Tepnan

• Semper puntra pa un prueba di garantia ku tin e periodo di garantia, espesialmente pa produktonan karu komo un wasmashin, frigidaire i televishon.

• Si nan ta bisa ku e bon ta bo prueba, puntra pa nan skibi esei riba e bon ku e periodo di garantia, nòmber di bendedó i paraf.

• Si e bon ta un bon di kaha, scan e bon of saka un portrèt (bon di kaha ta pèrdè koló lihé).

 

Bo tin problema ku garantia?                                       

 

MANDA UN KEHO