Nederlands

 

        English

Derechonan di konsumidónan​

Kumpra un produkto – Kiko ta bo derechonan?

Si un produkto ta daña durante e periodo di garantia bo tin e derecho pa e produkto ta wòrdu drecha òf remplasá grátis. Informá e kompania i trese e produkto serka nan (si esei ta posibel), huntu ku bo faktura i e karta di garantia (hopi bes e faktura ta e prueba di garantia).

Lei ta skirbi ku bo tin e derecho di un bon produkto (garantia legal). Esei kemen ku e produkto mester kumpli ku kiko bo por ferwagt.

Si e produkto ta daña den ménos ku 6 luna despues di e kompra, lei ta determiná ku e produkto no tabata bon fe momentu ku bo a kumpr’e. Al ménos e bendedó por hasi prueba ku bo a usa e produkto robes.

E produkto ta daña mas lihé ku bo por ferwagt? Bo tin e derecho pa reparashon grátis of un produkto nobo ku ta remplasá e original. E bendedó mester sòru pa esei pasombra bo a sera un akuerdo kun’e.

E periodo di garantia a kaba?

Despues di e periodo di garantia a kaba ainda bo tin e derecho pa reparashon grátis of risibí un otro produkto pa remplasá. Esei ta konta pa produktonan ku tin un durashon mas largu, komo un wasmashin. Kon largu e periodo ta, ta dependé di e preis, e tipo di produkto i e marka. Bo mester tin prueba ku e produkto no ta bon i ku bo no por a antisipá esei.

Si e bendedó no ke solushoná e problema, bo por anulá e kumpra i pidi pa restitushon di bo sèn.