Nederlands

 

        English

Bòrg

Tin hopi lugá ku ta pidi pa un bòrg. Pa un kas di hür, outo di hür etc. Aqualectra mester di un depósito pa bo haña koriente (si bo no tin Pagatinu). 

Kas di hür

Si bo ta hür un kas kasi semper mester paga bòrg, generalmente 1 of 2 luna di hür. Pero na Kòrsou ta hopi difísil pa haña e bòrg bek ora bo kontrakt di hür ta kaba. Akshon legal ta tuma hopi tempu i no ta barata, i miéntras ku bo ta gana e kaso, e bòrg no wòrdu paga bek mesora. Si e doño no ke paga maske el a pèrdè e kaso (e periodo ta maksimal 14 dia), ainda bo mester pone beslag (ku tambe ta karu) i manera nos tur sa: "bo no por ranka pluma fo’i morkoi...." Hopi biaha bo ta kere ku Huurcommissie por yuda bo, pero Huurcommissie no ta hasi nada ku problema di bòrg.

  • Si bo ta hür pa medio di un makelar, bo mester pidi ku e bòrg ta wòrdu paga bek na e makelar.

  • Promé ku bo firma e kontrakt di hür, saka portrèt di e kas paden i pafó i pone nan athunto ku e kontrakt, of depositá nan serka e makelar. Dokumentá tur daño bon! 

  • Registrá e inventario di tur e aparatonan i muebel (pone esei tambe huntu ku e kontrakt). No lubidá e èrko!

  • Hopi biaha e kontrakt ta menshoná ku e habitantenan mester service e èrko. Puntra pa un prueba di e service mas resien. 

  • Mesun kos ta konta pa e berpùt. Ki dia el a wòrdu basha lastu?

  • Si e doño ta di akuerdo ku esei, pone den bo kontrakt ku e bòrg ta konta pa e último luna(nan) di hür. Hopi chèns esei no ta logra, pero bo por purba..

  • Promé ku e kontrol final (ora bo kontrakt di hür ta kaba) saka portrèt di e kas bashí ku un fecha, pa e doño no por bisa bo despues di e kontrol ku tin daño zus of zo, i ku pa motibu ei e bòrg no ta wòrdu paga bek. 

Outo di hür
  • Saka portrèt di e outo i indiká tur daño ku ta eksistí (si tin) na e momentu ei den e kontrakt. 
  • Reportá tur daño tékniko mas pronto ku posibel
Aqualectra

Ora a kontrakt ku Aqualectra ta kaba, nan mester paga bo bòrg bek. Den nos eksperensia esei no ta sosegá outomátikamente. 

  • Ora bo ta terminá bo kontrakt ku Aqualectra, puntra nan pa paga bo bòrg bek despues ku bo a paga tur kos, i puntra pa a periodo den kual bo por haña e sèn bek. 

  • Si Aqualectra no ta kumpli den un periodo akseptabel, yama nan kada siman pa eksigí ku nan ta paga bo bòrg entre 7 dia. 

Problemanan ku haña bo bòrg bek?                                    
 
MANDA UN KEHO